Naim Beka u lind më 5 shtator të vitit 1966 në fshatin Pleshinë të Ferizajt. Shkollën fillore e kreu në fshatin e tij të lindjes, në Pleshinë, ndërsa shkollën e mesme teknike në Ferizaj. Në vitin 1992 Naimi ishte martuar me Zejnepe Rekën nga fshati Nerodime, me të cilën pati dy fëmijë: Amirën dhe Advanin.<br> Në moshën 15-vjeçare, qysh si nxënës i shkollës së mesme mori pjesë në demonstratat gjithëpopullore në Ferizaj, në prill të vitit 1981.<br> Ndërkohë me urdhër të Komandës së Zonës së Neredimes sistemohet në fshatin Jezerc në mesin e luftëtarëve të UÇK-së.<br> Ka marrë pjesë edhe në luftimet e udhëhequra nga Komandanti i Brigadës, Ahmet Kaçiku në fshatin Reçak, më 18 janar të vitit 1999, me qëllim për mbrojtjen kufomave të Masakrës së Reçakut.<br> Pas përfundimit të luftës, në qershor të vitit 1999, me rastin e transformimit të UÇK-së në Trupat Mbrojtëse të Kosovës, Naim Beka caktohet komandant i logjistikës në TMK.<br> Më 25 tetor 1999, luftëtari i paepur i lirisë, Naim Beka, ka rënë në krye të detyrës, në fshatin Doganaj të Kaçanikut, me bashkëluftëtarët e tij të ngushtë, Avni Shehu dhe Agim Matoshi.<br> Trupin e dëshmorit bashkëluftëtarët e kishin varrosur, në Varrezat e Dëshmorëve në qytetin e Ferizajt.<br> Familja Beka ka marrë mirënjohje e dekorata nga Ministria e Mbrojtjes e Qeverisë së Përkohshme, nga Zona Operative e Neredimës, nga komuna e Ferizajt dhe nga shoqatat e dala nga lufta.
This memorial was sourced from the AMMKM. See what that means ↗