Haxhi Hoti (Komandant Lleshi) lindi më 02.04.1967 dhe vdiq më 08.06.1998.<br> Rënia heroike e Komandant Lleshit lidhet me aktivitetet e shumëta të pranverës së vitit 1998 të cilat ndikuan në ngjalljen e dinamikës dhe përshpejtimin e furnizimit. Prandaj gjatë muajit maj dhe qershor, Haxhi Hoti shpeshton shtegtimet dhe thyerjet e kufirit nëpër Qafë-Mullar e përreth saj. Në muajin qershor, kufitarët serbë, fillojnë e gardhojnë më shpesh vijën kufitare, ku më 8 qershor 1998 Haxhi Hoti bie heroikisht dhe merr përjetësinë, ndërsa ”Njëmijëshi” i Rogovës mbetet pa komandant Lleshin.<br> Kjo rënie dobësoi korridorin logjistik të Hasit dhe zbehu furnizimin me armatim, që u reflektua më shumë në Shtabin Operativ Rajonal të Drenocit e veçanërisht në Batalionin e Rahavecit.<br> Varrimi i Haxhi Hotit u bë në fshatin e tij të lindjes, emrin e të cilit sot e mban shkolla ku ishte shkolluar në fëmijëri. Në oborrin e kësaj shkolle, gjendet edhe Haxhi Hoti, i shkrirë në bronz për tu kujtuar përjetësisht.
This memorial was sourced from the AMMKM. See what that means ↗